Mig langar að vita af hverju allir þræðir um Byrgið eru horfnir af málefnunum. Er þessum vef stjórnað af einhverjum öðrum en opinberum stjórnendum? Ef svarið verður, að málverjaboðorð hafi verið brotin, þá spyr ég á móti: Var umræðan hér eitthvað svæsnari en Kompásþátturinn frægi, sem var upphafið að þessu öllu? Verður umræða um Byrgið bönnuð hér eftir á málefnunum, þangað til dómur er fallinn? Verður öll umræða um öll meint sakamál bönnuð hér eftir, uns dómur fellur..?

Spyr sá sem ekki veit...

Fór ekki vefurinn bara í klessu um daginn. Mér sýnist í fjótu bragði að allt sem var skrifað frá 12. des og þangað til vefurinn komst í lag, hafa horfið.
Ég er reyndar ekki alveg búin að sannreyna það en mér sýnist það vera þannig.

Gleðileg jól annars öll saman

Voðalega er fólk fljótt að sjá samsæri í hverju horni.

Það varð greinilega einhver bilun í gagnagrunn málefnanna, þessvegna hurfu ALLIR þræðir eftir 12. desember.

mér sýnist að öll umræða frá 12 eða 13 desember hafi glatast. Hlýtur eitthvað að hafa bilað alvarlega.

En gleðileg jól öllsömul!

Mér sýnist allt vera horfið eftir 12 Des, ekki bara byrgisumræðan

Sorrí guys - fylgdist bara með Byrgisumræðunni síðustu daga, sé núna að þetta er rétt sem þið segið. Voðalega er fólk fljótt eitthvað að sjá samsæriskenningar í hverju horni, ha!

Það er nú búið að kæra mannfjandann, þannig að nú fá réttir aðilar loks að fjalla um málið.

Voðalegt vesen er alltaf hreint á þessum vef.

Er ekki hægt að koma honum endanlega í lag, svo að hann sé ekki alltaf að hrynja og umræður að þurrkast út?

Jenar,........þú virðist einn af fáum, sem saknar Byrgisþráðarins, er mikil Þórðargleði hjá ykkur Samhjálparmönnum?

Ef þú endilega vilt ræða bresti í trúfélögum, þá er tilvalið að ræða Samhjálp næst og áberandi einstaklinga innan þeirra samtaka, sem láta GJ líta út eins og saklausan kórdreng í samanburðinum.

Einkennileg Jólahugvekja Samhjálpar, þetta að sakna Byrgisþráðarins.

Einn af fáum? Hurru essgan, málefnin voru nú bara að koma í loftið aftur og mér "varð það á í messunni," að halda að eingöngu Byrgisumræðan væri horfin - sá ekki hvernig í málunum lá. Ég var semsagt of fljótur á mér og gerði úlfalda úr mýflugu, án ALLRAR innistæðu. Ég bið forláts á því...

Hvað mig varðar, þá hef ég aldrei nokkurntíma skrifað á málefnin, sem einhver opinber fulltrúi Samhjálpar. Ég hef aldrei leynt því að vera þar starfsmaður og stundum skrifað innlegg út frá því. Þetta tvennt eru tveir ólíkir hlutir...

Það hlakkar bara alls ekkert í mér vegna umfjöllunar um Byrgið. Ekki veit ég heldur til þess, að neinn annar starfsmaður Samhjálpar gleðjist vegna þessa máls. Þvert á móti. Þú varst sjálfur þátttakandi á þessum þráðum eins og ég og sást hvernig sumir töluðu; helst að banna alla áfengismeðferð byggðri á kristnum forsendum. Ætti að hlakka eitthvað sérstaklega í mér þess vegna?

Ég styð þá fréttamennsku, sem Kompás stundar. Hún krefst að vísu gríðarlegrar vandvirkni og nákvæmni, en umfram allt sannana. Annars er allt unnið fyrir bí. Hvernig hefðu mál Árna Johnsen komist í hámæli, ef ekki væri fyrir svona fréttamennsku? Kompásmenn eru loksins að gera það, sem fjölmiðlum er ætlað: Að vera fjórða valdið, ekki verkfæri þess þriðja...

Þessvegna, að þessum orðum sögðum um fjölmiðlun, þá hvet ég þig til að tala varlega um menn og málefni, nema þú eigir innistæðu fyrir því, hvort sem það eru Samhjálparmenn eða ekki. Þú ert að ýja að skít innan Samhjálpar og þessvegna hvet ég þig til að draga orð þín tilbaka, nema þú getir staðið við þau...

Það er ekki þannig, það eru hérna inni innlegg frá t.d. 12. des,
þannig að maður spyr sig af hverju sum innlegg hafa horfið frá 12. des.
en önnur ekki.

Kynlíf fólks er þeirra einkamál, ef GJ "misnotaði" 24 ára stúlkuna, hvað er þá hægt að segja um Kompásmenn gagnvart henni að afhjúpa hennar BDSM og framhjáhalds kynlíf með giftum manni gagnvart alþjóð til að hækka áhorf Stöðvar 2. Stúlkan edrú í 6 mán tók þátt í BDSM af frjálsum og fúsum vilja í 2 ár, varla hefur henni leiðst það svo óskaplega, þegar hún treysti GJ í ágúst sl. fyrir 4 millum?

Fjallað var um sl 10 ár hjá GJ Byrginu, ef ákveðnir einstaklingar innan Samhjálpar fengju svipaða skoðun t.d. sl 15 ár, þá kæmi GJ vel út í samanburðinum. Ég hef enga þörf til að afhjúpa þetta fólk, þó finnst mér einkennilegt að eini þráðurinn, sem þú saknaðir á jóladegi var um Byrgið.

Ef við nú gerum ráð fyrir því, að þetta sé alltsaman satt og rétt, sem fram kom í Kompási, þá telurðu semsagt ekkert mikilvægt fyrir fólk (ungar konur sérstaklega) að vita hverju það á von á, ef það ákveður að fara í meðferð í Byrginu? Þú hefur greinilega engan skilning á því, hvað maðurinn er sakaður um? Þér finnst það bara vera hans einkamál þó hann sé að stunda BDSM með berskjölduðum skjólstæðingum sínum? Og kommon - þó það hefði nú bara verið gamla góða trúboðsstellingin með taktföstu hvílubraki, þá væri brotið jafnalvarlegt skilurðu. Ef þú heldur að ung niðurbrotin stúlka, með langa fíkniefnaneyslu að baki sem kemur inn í meðferð, hafi frjálsan vilja í þeim skilningi, þá vona ég að þú farir aldrei að vinna við umönnunarstörf. Allavega ekki innan geð- eða meðferðargeirans...

Hvað Samhjálp varðar, þá hef ég ekki hugmynd um hvað það er sem þú þykist vita um einstaklinga þar innanborðs. Í mínum huga er Samhjálp ekki hafin yfir gagnrýni frekar en nokkur önnur líknarstarfssemi. Ef upp kæmu svipuð mál innan Samhjálpar, yrði ég síðasti maðurinn til að verja það, það skaltu vita...

Ég get ekki sagt að ég hafi verið að deyja úr söknuði, hvorki í dag né í gær. Ekki var ég t.d. að hugsa mikið um Byrgið yfir jólasteikinni, eða þegar ég var að taka upp jólapakkana með börnunum mínum. Áhugi minn á þessari umræðu tengist ekkert Guðmundi Jónssyni sérstaklega, heldur er mér málið kært, svona almennt. Þ.e. að svartir sauðir innan kristna meðferðargeirans séu ekki að koma óorði á þessa tegund meðferðarúrræða...

Ég gæti líka sagt um þig, að mér finnist einkennilegar, þessar skyndilegu aðdróttanir þínar gagnvart einhverjum óræðum einstaklingum innan Samhjálpar, eða starfsseminni sem slíkri. Samhjálp hefur starfað núna í bráðum 34 ár og mér vitanlega aldrei verið milli tannanna á fólki. Af hverju ætli það sé..?

DeCode
Ertu sem sagt að meina að það séu fleiri eins og GJ innan annarra samtaka, menn sem þú veist um, en heldur samt hlífðarhendi yfir þeim?

Fyrir mér skiptir engu máli hjá hvaða félagi misnotararnir eru, kristnu eða öðru, því það á að fletta ofan af þeim öllum, hið snarasta.

Ef þú gerir það ekki, ertu samsekur yfirhylmingunni!

Grasi

Ég er nú algjör nýliði á þessu spjalli, og þekki t,d ekki hverjir eru á bak við dulnefnin hérna. Eða hvernig það sé með nafnleynd á þessu spjalli, jæja hvað með það.
Decode ber Samhjálp hérna þungum sökum, þar sem geta legið við langir fangelsisdómar. Mér þætti eðlilegt að Samhjálp gerði eitthvað í þessu mái, þ.a.s að þeir létu ekki þessi orð standa. Ég myndir allavega gera eitthvað í þessum málum væri ég í þeim samtökum, nema Decode hafi eitthvað til síns máls. Löggæslumenn ætta í það minnsta að kalla Decode til yfirheyrslu enda veit hann að það viðgangast lögbrot í stórum stíl innan samtakanna Samhjálp. Og hafa viðgengist á annan áratug samkvæmt Decode.
Þetta er eiginlega með ólíkindum.

Í framhaldi af þessu innleggi Decode hlýtur að gera tvennt. Annarsvegar verður hann kallaður til yfirheyrslu og hinsvegar verða Samhjálpsmenn að svara þessum ásökunum eða kæra þær.

Ofsi ofsalega hissa

Þar sem þú ert svona Ofsalega nýr á þessum vef, þá lítur málið ekki flóknara út en þetta:

1. DeCode er að réttlæta, aðallega fyrir sjálfum sér, gerðir kynferðisafbrotamanns.
2. Þetta er opinber en nafnlaus umræðuvettvangur, hér ríkir málfrelsi og DeCode hefur rétt á skoðunum sínum.
3. Skoðanir DeCode eru ekki glæpsamlegar, bara siðlausar (í mínum augum)
4. Ekki er ástæða til lögreglurannsóknar á skoðunum málverja eða blaðri þeirrameðan ekkert glæpsamelgt kemur þar fram.

Orlando

Til að fyrirbyggja misskilning, þá snýst það tilfelli, sem ég vitna í, ekki um kynferðislega misnotkun á safnaðar meðlimum (eða öðrum), en þó kæmi GJ vel út í öllum samanburði.






Allar sömu ásakanir lágu fyrir (nema umboðssvik á 4 miljónum) eftir fyrsta Kompás þátt, en ekki taldi Ólafur Helgi Kjartansson sýslumaður Selfossi ástæðu til frekari rannsóknar á kynlífi hjónaleysanna. Nú hefur 24 ára kona kært, að hún allsgáð, hafði BDSM samfarir í 2 ár við GJ og betra er að láta dómstóla um að dæma, en Orlando.

Öll innlegg eftir háttvirtan sjálfan mig eftir 12. desember eru horfin.
Gaman væri að frétta hvort tæknibilun hafi orðið, eða hvort allt það sem ég sagði eftir þann tólfta hafi þarfnast ritskoðunar.

Mitt álit, þetta er ritskoðun, sem ég ætla ekki að láta bjóða mér.

Ef það hefði verið ritskoðun, hefði þá ekki verið auðveldara að eyða þessum þráðum í snatri en að láta vefinn liggja niðri í einhverja daga?

Vefurinn hefur ábyggilega bara hrunið, ekki í fyrsta skipti og nýjasta afrit hefur verið frá 12. des.

"Allt eftir (Hauk) þann tólfta þarfnast ritskoðunar"

Díses hvað það er hræðilegt, sérstaklega þar sem ekki er von á breytingu og því það eina sem þú getur gert að hverfa af vettvangi. Æi þín verður örugglega sárt saknað þó ég hafi ekki tíma til þess, er upptekinn.

Dittó

Og ég sem hélt að ég væri sjúkur.

Ertu kominn á þá skoðun sjálfur líka ?
Að þú sért sjúkur ?

Aftur ertu að þvaðra eitthvað um einstakling/a innan Samhjálpar. Svona blammeringar gera gagnrýni þína á Kompássmenn hlægilega...

Það er auðsjáanlegt að þú hefur ekki hugmynd um, hvað það inniber að bíða andlegt skipbrot. Þér er fyrirmunað að skilja hvað ásakanirnar á hendur Guðmundi fela í sér og þá misnotkun á trausti og trúnaði sem þar um ræðir. Og sennilega gerirðu þér ekki grein fyrir því í þínum villtustu fantasíum, hversu hugrökk þessi Ólöf er í raun, að stíga fram undir nafni fyrir framan alþjóð og segja sögu sína...

Hvaða, enga vitleysu hérna... þú hefur andlegt heilbrigði á við mannúðarhugsjón Nazismans

Og hver er heilbrigður ef út í það er farið, en þetta var blandað kaldhæðni hjá mér.

Veit ekki

Ég held að DeCode sé umfram allt að verja BDSM en ekki Guðmund eða annað í þessu tilfelli.

Það er alla vega skilningurinn sem ég les í málið.

Stúlkan var enþá í meðferð þó hún hafi verið búin að ná 6 mánuðum edrú,enda gefur Byrgið sig út fyrir að vera langtíma meðferð.
Þetta er því siðlaust og klárt lögbrot er varðar 4 ára fangelsi

Já þetta er skrýtið. Allar umræður frá 12. des. sl. horfnar af vefnum. ég held að það sé ekki vegna Byrgisins að vefurinn datt niður. Það hlýtur að vera til eðlileg skýring á þessu.

Áreiðanlegar heimildir herma að Elvis hafi brotist inn í fyrirtækið sem hýsir vef Málefnana til að þurka út allt sem var póstað eftir 12 Des. Með honum í för voru jólasveinninn og tannálfurinn.

Hann á að hafa gerð þetta að beiðni ríkisstjórnar BNA til að eyða út vandræðalegum upplýsingum um 12 September hryðjuverkaárásina sem fletti ofan af samsæri Páfagarðs um að koma að Hönnunarkenninguni í námsefni grunskólana.

Ég er líka með sjóðheitt hlutabréfa 'tipp' fyrir þig um að kaupa í álverksmiðjum þar sem Málverjar munu nú í óða önn vera að brjóta saman hatta og annan hlífðarbúnað.

Það kom fram í hádegisfréttum, að konan "ætlar" að leggja fram kæru eftir áramót.



Í biblíunni var systir Lots móðir hans, 2 dætur Lots voru barnsmæður hans, hvernig tengist biblíu karakterinn Lot tilveru málverjans Lots?

http://www.unicorne.org/orthodoxy/septembre02/lot.htm

http://www.samsloan.com/lot.htm


Það getur vel verið að jenar flokki "Jerry Springer" þættina undir "hugrekki" og "villtar fantasíur", en að hafa svo veruleikafirrta "Jerry Springervædda" einstaklinga í ráðgjöf hjá fólki, sem þarf andlegan stuðning og ráðgjöf um eigin hagsmuni, er hættulegt fyrir viðkomandi einstaklinga, eins og t.d. þessa 24 ára konu, sem er ekki enn búin að kæra. jenar telur það greinilega þjóna hennar hagsmunum að burðast með BDSM stimpil fyrir lífstíð, til að þjóna gæjuþörf hans og tímabundinni hækkun áhorfs Stöðvar 2.

Sko,

Lot var eini maðurinn í Sódómu sem var svo góður að Guð sendi engla til að draga hann út úr borginni áður en Guð eyddi henn. Seinna þegar englarnir voru farnir, þá Lenti Lot í ræningjahöndum. Til að bjara sér úr þeirri klemmu gaf hann þeim dóttur sína. Hversu slæmir voru þá hinir sem engin ástæða var til að bjarga?

Hér kemur fram að hann hafi þegar verið kærðu http://www.visir.is/article/20061222/FRETTIR01/61222033

Sbr. hádegisfréttir RUV 28-12-06, þá ætlar kona, sem kom fram í Kompásþætti, að kæra GJ eftir áramót.


http://dagskra.ruv.is/streaming/ras2/?file=4241080/7

Skil ekki þetta innlegg...

Stúlkan er búin að kæra hann og var í rúma fjóra tíma á lögreglustöðinni.
Fréttin á ruv. er röng ,og líka ragnt að hún hafi verið í Kompás þætti.
Hún kom fram í Ísland í dag.eftir fréttir.

Fréttin á RUV gæti verið rétt, ef um 2 konur er að ræða, önnur blörruð í Kompás, hin undir nafni í Íslandi í dag. Allavega,....... ónákvæmur og villandi fréttaflutningur.

Svo gæti nú verið að sinn hvor deildin hjá lögreglunni sæi um málin. Annars vegar kynferðisbrotin og hins vegar um efnahagsbrotin.

Hefur einhver niðustaða fengist í þetta mál

Guðmundur notar gamalkunna heilaþvottartækni, það er
viðfangsefnið er brotið niður og sjokkerað og síðan er
heilaþvottinum dælt í það í því ástandi. Þannig festast
hlutirnir og afar erfitt getur reynst að afheilaþvo fólk sem
þannig er meðhöndlað. En í þessum tilfellum er sennilega
um að ræða neyðarráðstöfun þar sem fólk er langt leitt af
neyslu og aðrar heilaþvottastöðvar hafa gefist upp á því.

Þessar aðferðir þekkjast líka í massaskala og styrjaldir og
hryðjuverkasjó eru gamalkunnug í því sambandi. Klassískt
dæmi er 11. september þar sem fólk var sjokkerað með
stórkostlegu hollywoodsjói og síðan mokað í það ævintýra-
lega vitlausri opinberri fabúlu. Eins og ég sagði þá er þetta sú
tegund heilaþvottar sem einna erfiðast er að eiga við. Þessi
della er svo föst í hausnum á sumum að sennilega munu þeir
halda áfram að trúa henni jafnvel eftir að höfundar hennar eru
komnir á bak við lás og slá eða hafa verið teknir af lífi.

Þetta konsept getur virkað til góðs og bjargað lífi einhverra en
getur líka verið misnotað og er ekkert nýtt í sögunni. Það eina
sem er svo sem merkilegt í þessu sambandi er hversu margir
kjánar skilja ekki hvernig þessi tækni er notuð í stóru sem smáu
skyni. En þetta er nú einu sinni með elstu trixunum í bókinni
þannig að það er varla von að þeir nái utan um það.