Okkur vantar baráttusöng og því vil ég óska eftir tillögum hérna.

Það væri hægt að nota "Battle Hymn of the Republic" sem ég nota í þessu videói en með sérsniðnum íslenskum texta.

Viðlagið í þessum söngi finnst mér passa vel...

Glory, glory, hallelujah!
Glory, glory, hallelujah!
Glory, glory, hallelujah!
His truth is marching on.

En svo væri ég líka tilbúinn að semja einhvern söng ef einhver skaffar mér texta.

Önnur tillaga væri að nota þemalagið sem kemur alltaf á undan Eurovision.

Ef við myndum velja eitthvað lag sem er til að þá væri best að það væri eitthvað sem flestir þekktu.

Mér finnst lagið Stormsker með Sverri Stormsker eiga ágætlega við.
Hér er textinn:

Stormsker

Ó, hér á Íslandi er ekki líft,
hérna er allt svo fjandi primitíft.
Hér vantar bjór í krús,
hér vantar hóruhús,
frjálsræði, sjálfræði, valfrelsi.
Allt er dautt, gleðisnautt.
Ég sér rautt.

Ó, þetta sker er alveg ægilegt,
það er með ólíkindum hlægilegt.
Já, það er verra en slæmt,
já, það er dauðadæmt,
bjánalegt, fánalegt, fáránlegt,
very bad, algjört frat,

rokrassgat..

Og hér er ávallt vetur eða haust,
já, þetta land er sólarlaust.
Ég bið það sökkvi í haf,
ég bið það sökkvi í kaf
og vona að enginn komist af.


Já, fari þetta sker til skaparans,
það er jú auðþekkt handbragð Andskotans.
Hér er allt út í hött,
farið í hund og kött.
Kallatal, kvennamal, heimskuhjal,
froðusnakk, skítapakk,
ullabjakk.


Steinrunnir hundar fá í hendur vald,
hér ríkir heimska, þröngsýni og afturhald.
Við komum því í kring:
við kjósum kát á þing
enn einn hring, vitleysing, vitfirring,
brjálæðing, fáráðling,
Íslending


Ó, hérna er við öllu blákalt bann,
hér eru boð en ekkert val,
hver maður spinnegal,
enginn er líberal.
Já, hérna veður uppi al-
vitlaust hjal.

Höfundur texta: Sverrir Stormsker

Gleymum ekki að þetta var tileinkað Hannesi Hólmsteini :-)

Ég lýsi enn eftir tillögum... einnig mega ljóðskáldin hér á málefnunum senda mér baráttuljóð sem ég mun síðan reyna að semja einhverja tónlist við.