mbl.is

Alveg er ég sammála Óttari Kjartanssyni, ég gæti ekki ímyndað mér það að flytja til Íslands eins og staðan er í dag, reyndar þyrfti mjög mikið að breytast.

Já maður skilur það!

Stoppa þessa útþrá þá í krökkunum og koma þeim í íslenska skóla

Annars sé ég varla fram á að hafa efni á að flytja til Íslands

Já þegar ég fór í nám, þá voru útlönd mun meira lokkandi en háskólarnir á Ísl.

Ég er eiginlega búinn að fá alveg nóg af okrinu, verðlaginu og þessum draslgjaldmiðli! Ef eitthvað fer ekki að breytast að þá verð ég komin til útlanda á þessu ári.

það er enginn neyddur til að vera hérna (afsakið ritstuldinn)

Það er bara einn galli að búa erlendis.. .það er dýrt að heimsækja fjölskylduna og vinina á Íslandi.

Þú ert stundum fyndin

Já reyndar... aftur á móti er netsamskiptin orðin mjög góð - þótt það komi ekki í staðinn fyrir hitt.

Já netsamskiptin hjálpa mikið.. Eru allaveganna búin að gera það þau tæp 6 ár sem að ég hef búið erlendis... og koma til með að gera það í mörg ár til viðbótar.. enda er ég ekki á leið til baka.

En hvert er vænlegt að flytja ?
Ég hef nefnilega verið að flögra um heiminn í huganum og hugsa um hvaða land er góður kostur.
Það gæti auðvitað verið fínt að vinna líka fyrir sér einhvernvegin gegnum netið og vera á íslenskum launum þar sem verðlag er lágt. Hvað um svoleiðis pælingar ?

Djö væri ég til í það en það er því miður ekki auðvelt

Nei ég veit það ekki. Það þarf að vera stöndugt fyrirtæki sem greiddi launin og hefði þörf fyrir einhverskonar tölvuvinnslu.

En hvað um að stofna fyrirtæki á Íslandi sem býr eitthvað til sem hægt er að senda og selja gegnum netið. Það er eitt og annað sem hægt er að gera þannig. Ef notuð er t.d. myndvinnsla í einhverskonar hönnun, námsefnisgerð eða ......................Komið með hugmyndir

Ætti nú einmitt að vera auðvelt fyrir mig þar sem ég er í þeim geira. Vinn í tölvunni alla daga, en það er bara lítið um að fyrirtækin á Íslandi séu að ráða fólk í öðrum löndum ...því miður

Æi, ég er búinn að búa í USA, Frakkalandi og Afríku og ég var alltaf jafn sannfærður að við hefðum það helv. gott hérna heima og alltaf jafn feginn að koma heim á endanum.

Það er hægt að segja svona, eins og Garðar Stefánsson, framkvæmdastjóri Sambands íslenskra námsmanna erlendis, segir, EF þú býrð í landi sem er á top 10 listanum yfir lífsgæði. Það eru þá norðurlöndin, vestur-Evrópa, USA og Kanada.

Svo er spurning um forgangsröðun hjá fólki. Vill það fjölskyldu sína umfram vinnutíma, vill það fjölskyldu sína umfram laun, vill það návist við sína ættingja og vini umfram lágt vöruverð og vexti.

Á endanum er þetta alltaf spurning: vil ég dvelja erlendis og njóta lægra vöruverðs og annarra veraldlegra gæða, eða vil ég vera í návist minna nánustu, í mínu landi, en borga þá hærra vöruverð.

Mér varð einmitt hugsað til þín varðandi þetta. Nú er að fara að vefa tengslanetið sitt kæra Lady. Því ekki að hugsa til framtíðar með þetta í huga

ég hef mikið verið að spá í að flytja til portugal en ég er svo hrædd við að hopa í eitthvað sem ég veit ekki hvernig er! eins og tildæmis skóla og annað!

viti þið eitthvað hvernig þetta er þar?

Ég flyt til Danmerkur í haust og ætla að hefja búsetu þar, enda er ég búinn að fá nóg af efnahagsvitleysunni hér, húsnæðisverð, vexti og almennt verðlag, sérstaklega á matvöru.

Erm...ættir þá kannski að kynna þér verð á matvöru hér. Sumt er nefnilega jafndýrt og jafnvel dýrara en á Íslandi. Rafmagn er himinhátt og þú kemur aldrei til með að kynda húsið þitt hér eins og á Íslandi nema fyrir formúgu

Enda er þessi ofurkynding á Íslandi að gera íslendinga að aumingjum.
En það virðist vera samt munur á vöruverði á kaupmannahafnasvæðinu
og annarsstaðar í Danmörku. Svo er ekki langt til þýskalands sem er hægt að gera mun betri kaup en hér í DK.
Annars er það mikið rétt að matvörur hafa hækkað mikið í DK.

ég bjó í danmörku í 2 ár og flutti heim í fyrra. Þegar ég bjó í Danmörku gerði ég sjálfur verðkannanir á matvöru og er nokkurn veginn með á nótunum að kjöt kostar yfirleitt 2-4 falt meira á Íslandi en í Danmörku. Sama með osta og álegg. Man til dæmis að 1,8kg af ferskum kjúklingabringum kostaði 100danskar krónur í Fötex. Laukurinn var dýrari í Danmörku í minni könnun. Í mörgu munaði hátt í 100% eða meira.

Svo ég tali ekki um ölið og vínin. Og afsláttartilboðin góðu sem voru alls staðar með reglulegu millibili.

T.d. keypti ég 1 líter af jógúrti á 8 krónur danskar, rétt rúmlega 100kr. Hér kostar 1/2 líter mun meira en það.

Svo ég taki nokkur dæmi um matvörð í Danmörku fyrir 2 árum: (í dönskum krónum,þá var hann 10kr ísl en er 13,5núna)

Kjúklingabringur 50kr/kg
Pylsur 32kr/kg (Steff Houlberg)
Nautahakk 67kr/kg
Beikon 47kr/kg
Rjómi 20kr/lítri
Rifinn mozzarella ostur 60kr/kg
Gúrka 4kr/stk
Ferskir sveppir 24kr/kg
Gulrætur 3,3kr/kg
Bananar 10kr/7bananar
Grænt pestó 10kr/krukka (130gr)
Furuhnetur 239kr/kg
Extra virgin ólífuolía 33kr/lítri
Salami í sneiðum 30kr/kg
Túnfiskur í dós 3,95/dós (140gr)

Fínt væri að fá update á þetta. Á íslandi kosta þessar vörur að jafnaði 100% meira eða meira.


Svo má alveg bæta við þetta að í Danmörku er hægt að fá vel útilátinn mat á ágætis veitingastöðum fyrir minna en 100dkk, meira að segja má svolgra matnum niður með nokkrum bjórum án þess að fá samviskubit.

Síðast en ekki síst þá keypti ég reglulega 1kg af frosnu lasagne á 20kr, sem bragðaðist mjög vel

Ýmsir vöruflokkar hafa hækkað í DK. En ég segi eins og er að ég var uppá Íslandi fyrir ekki svo löngu síðan og mér brá.
Þetta er bilun, við sem búum í DK finnst ýmislegt orðið dýrt, en verðlagið á Íslandi slær öll hæðarmet.
Svo fer maður heim aftur og kíkir á fríhöfnina og þá fær maður slag, fríhöfn hvað? my ass

Elsku krúttið mitt, það hafa orðið verulegar hækkanir hér síðastliðin 2 ár

Nefndu þó ekki væri nema eitt dæmi

Mér brá þegar ég sá að fløde haverti osturinn í Nettó var kominn úr rúmum 15 kr í rúmar 22 krónur.

Ég bý í DK og hef gert undanfarin 7 ár. Mjólkin hefur t.d. hækkað verulega síðustu 6 mánuði. Grænmeti hefur líka hækkað og meira að segja kjúklingurinn. Launin hafa að vísu hækkað en skattaprósentan er enn sú sama. Hér er að vísu mjög hagstæð húsnæðislán ( miðað við Ísland, en það er reyndar alls staðar hehe)

Það eru samningar í gangi núna, en var fasista leiðtoginn Fogh ekki búinn að lofa skattalækkunum?

Var að koma úr Aldi í Harrislee í þýskalandi þannig að verðin eru í evrum.
Þetta eru ekki margar vörur, en eitthvað þó.

Smjör 250gr 1,19
100 gr skinka 0,99
Kjúklingavængir 750 gr 2,89
Fiskistautar 450 gr 1,39
Marenerað gúllas 300 gr 2,89

Læt þetta duga í bili þar sem það er lítið annað sem hægt er að miða við á íslandi.
Væri gaman að fá samanburð á einhverju svipuðu frá íslandi.

Tekið af fakta.dk og netto.dk, tilboð vikunnar

10 stykki ávextir að eigin vali fyrir 10kr = 135isk
1,5kg gulrætur 5kr = 67isk
kótilettur 60kr/kg = 810isk/kg
beikon 10kr/80gr >> 125kr/kg = 1690isk/kg
rækjur 39kr/500gr >> 1053isk/kg
rjómi 8kr/500ml >> 216isk/lítri
oksesteg max 69kr/kg (1-1,3kg) >> 931isk/kg

Ekki það að þetta sanni neitt, en þetta eru svo miklu lægri verð heldur en hér á Íslandi.

Hvað ætli kjúllinn kosti núna í DK?



Ég skal kíkja í bónus á morgun og færa verðin inn hér á þessum samanburðarvörum.



En þú hefur væntanlega ekki hugmynd um hvað mjólkin kostar í DK eða hvað??

Allir Norðmenn fara yfir til Danmerkur og kaupa mat af og til yfir árið. Þeir fara reyndar til Svíþjóðar mun oftar enda geta þeir venjulega keyrt þangað yfir.

... og Íslendingar geta ekkert farið svo gjörla. Einn galli við að búa hér.

Ha? Síðan hvenar eru þessi tilboð? 10 stk ávextir eru á vikutilboði núna hjá fakta á 20, eru venjulega á 25. Kosta venjulega 20 hjá netto. Og ég veit að kaupa 10 ávexti á 20 kr er mikið lægra heldur en á Íslandi, en 10 króna verð hef ég ekki séð síðast liðin 5 ár



Ég kaupi Thise økølogisk minimælk á 7,25, er ekki með önnur verð alveg á hreinu. Kostuðu síðast þegar ég vissi frá 4,50 og upp í 8.50 eftir því hvort maður verslar í Aldi eða Bilka

Jú, það er rétt hjá þér, 10 ávextir á 20kr. Afsakaðu þetta.

Ég skal bara færa inn á morgun verð á ýmsum algengum matvörum í Bónus.

Þú þarft ekki að selja mér neitt. Ég er yfirleitt í fremstu röð til að dásema ríki drottningar. En vildi bara benda á að það hefur ýmislegt breyst hérna og þar á meðal vöruverð. Það er hreinn lúxux að vera námsmaður í Danmörk, en það er bara óskup svipað þegar að námi líkur og maður fer að bera saman hina og þessa kosti ( og óskosti )

Fyrir mér er stærsti kosturinn við að búa í Kaupmannahöfn sá að ég þarf ekki að eiga bíl því samgöngur eru góðar

Svo kemur

*verðlag
*betri matur og meira úrval
*hagstætt að fara út að borða
*auðvelt að panta af netinu
*gott að ferðast til annarra landa í Evrópu
*veðrið
*danir eru yfirhöfuð alltaf prúðmannlegir (en þó stundum lokaðir)
*bjartara á veturna
*gott úrval af störfum fyrir hámenntað fólk

Kostir við Ísland
*birtan á sumrin
*heita og kalda vatnið

En ég fer til Danmerkur í haust, klárt mál.

Úff en það er samt ótrúlega næs að geta bara opnað glugga ef það er orðið alltof heitt inni hjá manni og lækka samt ekki í hitanum . Það er nokkuð sem maður gerir bara á Íslandi ( og nokkrir svíar)



úff ég verð að láta það bíða morguns að koma með plús og mínus lista. Er nefnilega í þessum sporum að vera búin að taka ákvörðun að flytja til Ísland ( eftir eitt ár þó) en DK hefur miklu fleiri plúsa í augnablikinu. Svolítið erfitt þó að hafa ekki Hansen að eftirnafni og frekar erfitt að fá vinnu í sínum geira á meðan það streyma inn atvinnutilboðin frá gamla landinu. Samt...Danmörk er bara svo æðisleg og þó svo að mjólkurverð hér rjúki upp úr öllu valdi þá , æi, þetta er ferlega erfið ákvörðun og eins og ég segi , plúsar og mínusar bíða morgundagsins

Margt er til í þessari grein en sumt finnst mér skrýtið. Hann talar um að dagvistun sé svo dýr á Íslandi að Íslendingar þurfi að vinna langan vinnudag. Ég borga 22 þúsund fyrir fullt leikskóla pláss og innifalinn í því er matur bæði hádegismatur og morgunmatur og síðan ávextir og nónhressing. Ég væri að borga það sama í Noregi t.d en þá væri ekki innifalinn matur. Síðan talar hann um erfitt atvinnuástand á Íslandi en ég hef ekki orðið mikið var við það og atvinnuleysi er hverfandi. En að sjálfsögðu getur verið erfitt fyrir fólk með sérhæfða menntun að fá vinnu kannski er þaðauðveldara í fjölmennari löndum en það þarf ekki að vera. Að sjálfsögðu er húsnæðisverðið allt of hátt og dýrt að kaupa í matinn. En það verður samt sem áður að bera saman kaupmátt og verðlag. Í Noregi er verðlag hátt en þegar borið saman meðallaun og hvað það tekur marga tíma að vinna sér inn fyrir matarkörfunni, þá tekur það meðalnormann fæsta tíma til að vinna sér inn fyrir matarkörfunni.

Má ég vera svo ósvífin og spyrja um ársinnkomu? Hjá þér , og þínum maka ef þið eruð tvö?
Hér í DK er lágmarkið 5.762.400,00 (ískr) fyrir hjón í árstekjur fyrir frípláss á leikskóla og eftir það er það hlutfallsreiknað hversu mikið þú borgar í leikskóla.

Heildartekjur eru yfir þessum viðmiðunarmörkum. Hér borga einstæðir og þeir sem eru í námi minna ég held að öryrkjar greiði líka minna án þess að ég sé með þetta allt á hreinu. En hér t.d góður matur innifalinn. Ég hef búið að í Noregi og þar er oft enginn matur á leikskólum og ekki skólum og allir þurfa að smyrja nesti.

Mér finnst langurvinnutími Íslendinga oft ekki vera að einskærri neyð heldur kannski hefð og vinna þykir mikil dyggð hér á á landi og því meira sem þú vinnur því duglegri telstu. Þetta hefur sína kosti og galla. Íslendingar þurf að vera duglegri að forgangsraða fjölskyldunni og ekki að láta vinnuna ganga fyrir öllu. En ef ég ber saman þá vinnustaði sem ég hef unnið á á Íslandi og síðan í Noregi voru Íslendingar vinnuglaðari og þótti meira gaman í vinnunni og voru ekki sykmeldaðir út í eitt. Á gamla vinnustaðnum mínum í Noregi voru nýverið 30 prósent!! starfsmanna sykmeldaðir. Í tók út yfirvinnu í Noregi út í fríi og gallinn við það var að það var ekki alltaf auðvelt að taka yfirvinnuna út. Ef maður fær yfirvinnuna greidda getur maður eytt henni hvenær sem er. Verkefninn hurfu heldur ekki þannig að þegar einn tók út yfirvinnufrí hlupu hirnir hraðar. Síðan tók maður tíma á móti tíma fyrir utan sunnudag sem voru með eithvað smá álag. Ef ég vann á laugardegi eða kvöldi til þá varð ég að taka það út á virkum degi og fékk ekkert aukalega á milli. Í BHM samningunum getur maður tekið allt af 40 tíma af yfivinnu út í fríi en þá færðu mismuninn á dagvinnu og yfirvinnugreiddan. Ég er reyndar hrifin af því að taka yfivinnu út í fríi ef aðstæður eru réttar.

Ég flutti heim fyrir tveimur árum og bæði ég og maðurinn minn fengum áhugaverðari vinnu á Íslandi og betur borgaða en við hefðum fengið í Noregi. Mér finnst einnig auðveldara að skapa sér eigin tækifæri en auðvitað spilar inn í að maður er á "heimavelli" Reyndar var íbúðaverðið blóðugt og hefur hækkað síðan þá og vextir einnig.

Það sem ég er að reyna að koma frá mér er að það er ekki alvont að búa á Íslandi. Stundum er talað um að Ísland sé ekki fjölskylduvænt en mér finnst til dæmis stórfjölskyldan vera sterk og fólk fúst til að hjálpa hvert öðru. En að sjálfsgöðu er alltaf hægt að bæta þjóðfélagið.Einnig getur maður valið sjálfur að einhverju leiti að hve miklu leyti maður tekur þátt í neyslukapphlaupinu.

Eftir árið á Íslandi verður þú farin að sjá eftir því að hafa flutt til baka, þekki mörg svoleiðis dæmi.


Mér finnst ég fá töluvert meira fyrir 500 kallinn í þýskalandi en í Danmörku.

Ég þekki líka þó nokkur dæmi um fólk sem hefur flutt til íslands eftir að hafa búið erlendis og flestir ef ekki allir sjá eftir því eftir ár til tvö.
Það er rétt að maður fær meira fyrir 500 kallinn í þýskalandi og það er ástæðan fyrir því að ég vil búa við grensuna.
Það er allt mikið dýrara þegar þú kemur ofar í Danmörk eða skreppur niður í þýskaland, td. til Rendsburg eða Hamborgar.

.....ofar í Danmörku þú meinar þegar þú ert kominn upp á Himmelbjerg, en segðu mér gerir sósíalinn ekki betur við ykkur þarna?

Ég flutti til íslands frá danmörku síðastliðið haust og löngunin til að flytja til baka eykst og eykst. Það er svo margt sem fer í taugarnar á mér á Íslandi sem Danir myndu ekki sætta sig við.

Ég þoli ekki að fara í verslun og þurfa að spyrja hvað vörurnar kosta því þær eru ekki verðmerktar. Oft er lítill möguleiki að finna starfsmann sem getur hjálpað, t.d. í Bónus.

Ég þoli ekki þegar Íslendingar leggja bílunum sínum á gangstétt svo gangandi vegfarendur þurfi að ganga umhverfis bílinn til að komast leiðar sinnar. Þvílíkur dónaskapur sem ég er vitni að nánast á hverjum degi.

Ég þoli ekki endalausa umfjöllun um enska boltann hvar sem maður fer, hvort sem það er í sjónvarpi, útvarpi, í ræktinni eða á ýmsum samkundum. Orð eins og Manchester United og Liverpool eru að gera mig geðveikan. Samt er ég mikill áhugamaður um íþróttir.

Ég er búinn að fá meira en nóg af efnahagsruglinu hérna (íbúðaverð, vextir, húsaleiga, verðbólga, gengissveiflur) og virkjanafíkninni.

Stundum finnst mér að meðalgáfnafar Íslendings sé nokkurn veginn meðaltalið af meðalgáfnafari Dana og meðalgáfnafari Bandaríkjamanna. Margir Íslendingar eru ótrúlega skammsýnir og vitlausir.

Ég þoli ekki að þurfa að eyða 10.000 krónum í mat þegar ég býð fólki heim til mín í kvöldmat.

Ég þoli ekki þá félagslegu einangrun sem er við lýði á Íslandi sem skapast af lélegum almenningssamgöngum og háu verðlagi.

Ég þoli ekki að geta ekki farið á ágætis veitingastað og fengið mér góðan mat + 1 bjór fyrir innan 2.000kr.

Ég þoli ekki að geta ekki keypt vörur á netinu erlendis frá og þurfa svo að borga tolla og gjöld. Þegar ég bjó í Danmörku þá pantaði ég oft vörur frá öðrum löndum innan ESB og borgaði bara verð vörunnar + sendingarkostnaður punktur. Ég nýtti mér það óspart enda snilldin ein.

Svo er það áfengislöggjöfin sem allir þekkja en það pirrar mig ekki svo mikið þar sem ég drekk lítið.

Hvernig stendur á því að önnur hver íslensk stúlka er með varadekk um mittið?

HAHAHAHA, já ,. ég flutti til Frakklands fyrir 10 árum og síðan þá hef ég alltaf verið að horfa eftir öllum "heimsins fallegustu stúlkum" þegar ég kem til Íslands.

Sannleikurinn er því miður sá að þó svo að það finnist nokkrar gulfallegar stelpur á Íslandi, þá lítur meirihluti þeirra út fyrir að borða eins og ísbirnir (feitt og mikið).

Er það ekki bara góðærisvömb, en nú þegar að kreppir að ætti þetta að komast í samt lag og þá fer
maður að sjá innfallnna maga aftur

Þær þýsku toppa þær íslensku svo léttilega að það er ekki fyndið.
Engin varadekk á þiem og þær eru líka snoppufríðari.

Til að vera í stíl við okkur strákana.

Annars eru íslendingar upp til hópa fyrirtaksfólk en sjálfum sér verstir.
Dýrtíðin ásamt óhóflegri neyslumenningu fer illa með okkur, kannski sitthvor hlið á sama peningi?

Óhóflegar álögur hins opinbera eru fyrsti hlekkur í þeirri keðju sem gerir allt svo dýrt á Íslandi.
Annar hlekkur er síðan skelfileg yfirbygging fjármálageirans og herkostnaður af krónunni.
Síðast en ekki síst framleiðum við varla nokkurn hlut sem máli skiptir en látum aðra um það.
Fyrir vikið eyðum við stöðugt um efni fram.

Hver verður hamingjusamur af því?

Ég hélt það væri einmit svo gott að hafa varadekk