Ég vil heyra af eyðslunni.


Þetta er keppni, hver getur komið með svakalegustu söguna úr uppgangi síðustu ára.


Það toppar kannski enginn Hannes Smárason sem keypti tvö hús á laufásveginum og rúntaði um á einkaþotu.

Þegar Ólafur F. Magnússon keypti kamar við laugaveginn á 600 milljónir íslenskra króna.

Jón Ásgeir: Einkaþotan, lúxussnekkjan og öll leyndin í kringum hann.......Don ......

300 milljónirnar sem Lárus Welding fékk fyrir það að ljá máls á að verða bankastjóri Glitnis.

Þetta var eitthvað alveg nýtt. Fyrst voru það ofurlaunin upp á milljónatugi á mánuði, hundruðir milljóna í kaupréttarsamninga og starfslokasamningar upp á himinháar upphæðir.

Og nú greiðslur upp á hundruðir milljóna fyrir að taka að sér forstjórastarf. Hvað næst?

Hannes líka, sem sannaði hið fornkveðna og varð milljónamæringur á því að gerast milljarðamæringur og kaupa flugfélag.

Unicef uppboðið fyrir jetset liðið og Roger Moore 1. des 2005 skorar hátt. Var víst innflutt sérstakt matarstell fyrir gestina og skellt á nýju gólfteppi í nánast nýjum salarkynnum af því þetta var svo gasalega smart veisla - í því tilefni að safna fyrir fátæk börn!

Ósmekklegt af þér að ráðast með aðdróttunum að fjáröflunarsamkomu fyrir fátæk börn.

Öfund er eyðandi afl fyrir þá sem eru því haldnir.

Það er greinilegt að það er að myndast einhver hópstemming í öfundarliðinu. Sem á væntanlega rót sína að rekja til tímabundinna lækkana á markaði.
Vonandi að fólk geti haldið sína Þórðargleði áður en markaðirnir taka við sér aftur. Þá verður það of seint

Það var einmitt vegna þess að þetta var slík fjáröflunarsamkoma sem flottræfilshátturinn stakk í stúf. Hefði ekki verið nær að gefa meira í stað þess að kaupa sérpantað leirtau fyrir samkomuna?

Ég styð sjálfur Unicef og það er auðvitað hitt besta mál að safna fé þeim til styrktar, bæði frá moldríkum og öðrum.

Þú misskilur þetta. Uppboðið var giffenvara - því meiru sem var til kostað, því meira safnaðist

Hámark hégómans?

Tvö orð: Elton John.

Auðvitað spyr maður sig um hvers eðlis gulrótin er. Gulrótin sem virðist vænlegust til að hvetja hina ríku til að hjálpa sveltandi börnum.

Ég viðurkenni að ég sameinast þér í skrítinni tilfinningu í maganum þegar ég sé þessa samkomu fyrir mér.

Syndaaflausn nútímans.

Fégráðugir og feitir einstaklingar í fleiri en einum skilningi, einstaklingar sem hafa rakað að sér gríðarfé á kostnað smælingjans, veita honum einn brauðmola og skemmta sér í leiðinni með "betri" samvisku á eftir.

Aha. Þetta er kannski einhvernvegin svoleiðis.
Nema auðvitað menn finni ekki til neinnar sérstakrar þarfar fyrir syndaaflausn.
Kannski er þörfin meiri fyrir mýkri og meira aðlaðandi ímynd út á við og svo auðvitað að efla tengslanetið.