Friðrik Þór skrifar.

29.2.2008 | 12:38
Málsókn gegn nafnlausum huldumönnum?

Væntanlega er holskefla lögsókna gegn bloggummælum tilgangslaus nema Hæstiréttur staðfesti Gauks-dóminn. En ég tel hins vegar ekki mest um vert að úrslit komi fram í máli nafngreinds einstaklings gegn nafngreindum einstaklingi. Ég vil sjá úrslit lögsóknar þar sem nafngreindur þolandi stefnir ónafngreindum geranda.

Það er nóg af nafnflausum einstaklingum í bloggheimum sem í skjóli nafnleyndar vega að æru fólks daglega. Þetta fólk hélt sér að mestu við málnefnin.com og alvaran.com hér í den og enginn tók á þeim mark, en með skjóli á Moggablogginu og víðar hafa orð þessara nafnleysingja fengið viðurkenningastimpil. Ég reyndi einu sinni dulnefni og veit að það tók enginn mark á mér og hætti auðvitað fljótlega þeirri vitleysu, en veit að ég leyfði mér óvandaðri munnsöfnuð í þessu þægilega skjóli. Stríddi mörgum og meiddi áreiðanlega suma. Ég hef síðan vitkast og skammast mín ekki fyrir orð mín undir nafni -passa betur orðalagið, sem er hið besta mál.

Ég ætla að leita vel og vandlega að einhverjum óviðurkvæmilegum ærumeiðingum nafnfleysingja og stuðla að lögsókn. Veit ekki einu sinni hvort ég nenni að bíða eftir Hæstarétti í Gauksmálinu. Úrslit þess máls hangir vafalaust á því hvaða dómarar veljast í málið.

Það er nú svo.

Ef enginn tekur mark os.frv... hvað er þá vandamálið ? Skil ekki alveg þessa umræðu.

Ennfremur er ekki hægt að líta á ísland sem einangrað fyrirbrigði. Ef maður skoðar erlend spjallborð og blogg ýmiskonar, Þar er ýmislegt látið flakka. Allt nafnlaust.

Þetta er náttúrulega öðruvísi á Ísl. vegna þess hve samfélagið er pínulítið.

Og einnig, allt þetta tal um æru, Týnd er æra töpuð sál, tunglið veður í skýum. Gert alltof mikið úr þessu.

En hitt er annað mál, að æskilegt væri að enginn mundi nokkurntíman særa annan mann. Það væri mjög gott. Jafnt í tali sem táknum.

Sumt fólk þarf nú enga hjálp við að svipta sig ærunni...

Eitthvað þarf að taka til bragðs...háskólarnir eru farnir að útskrifa svo miklu fleiri lögfræðinga en áður og þá vantar verkefni.

Þessi maður er nú ekki með lógíkkina í lagi. Í fyrsta lagi eru menn ekki "nafnlausir." Þetta er fáránlegt uppnefningar orð uppfullt af fordómum, sem misviturt fólk er að nota. Margir þeirra nota það til að blokkera og blammera fólk sem er á öndverðum skoðunum. Menn skrifa undir nikki, pennanafni, og slíkt er ekkert nýtt undir sólinni. Í öðru lagi segist hann sjálfur hafa gert það sem hann er að saka aðra um! Stríða og hrekkja og meiða aðra og vera óvandaður í máli. Það er s.s. hann sem er í vandamálahópnum, ekki við sem skrifum undir nikki og kunnum að haga okkur eins og siðað fólk.

Það er ennfremur staðfesting á honum sem vandamáli, að hann vill fara í mál og lemja og hrekkja aðra í gegnum réttarkerfið.

Kannski ætti hann að hugsa sinn gang og fara til sála í staðinn fyrir mála. Það er auðvitað ekki eðlilegt að hann sé að notfæra sér nikk til að hrekkja fólk! Og þetta er jú bara mín skoðun, sem hittir oft naglann á höfuðið.