Ég er að fara með fjöskyldunni til Búdapest í þarnæstu viku. Ég er með tvö ung börn ásamt konunni minni og tengdarmóður. Veit eihver um gott hótel eða gistiheimili á hóflegu verði í miðborg Búdapest, sem hentað gæti hjónum með tvö ung börn með sér?

Ég var reyndar búin að fá upplýsingar um hótel en konan setur það fyrir sig að það sé í 15 mínútna göngufæri frá miðbænum og ber ungum börnum okkar fyrir sig. Göngutúrinn yrði því væntanlega talsvert meiri en 15 mínútur og í sumum tilfellum gætum við þurft að bera börnin stóran hluta af leiðinni og það jafnvel til viðbótar við poka með einhverju, sem við værum búin að versla. Ég held að það sé því rétt hjá konunni að betra væri að við reyndum að vera nær eða jafnvel í miðbænum.

verð að játa að ég þekki ekki mikið til hótela í miðborg budapest, þótt ég hafi mikið verið í þessari borg

langar til að benda á eitt

neðanjarðarlestarkerfið í budapest er sérlega vel skipulagt og mjög örar ferðir á öllum leiðum

ef þið eruð mögulega nálægt metróstöð á þessu hóteli ykkar eruð þið mjög snögg að fara niður í bæ án þess að labba nema lítið af leiðinni

ég hef alltaf dvalið utan borgarinnar, en reitt mig á metróið og oft verið með börn, jafnvel nokkurra mánaða gömul á ferðinni, aldrei fundið fyrir að fjarlægð frá miðborginni truflaði mig, því það er svo þægilegt að komast um með neðanjarðarlestunum, hvort sem það er upp í kastalann, á Vaci utca (aðal verslunargatan) eða í dýragarðinn

maður tekur leigubíla í centerið.

finnur sér gott og traust hótel, tala t.d við ferðaskrifstofur hér á landi,
lætur þá á hótelinu mæla með veitingastöðum og öðrum stöðum áður en þið farið þangað.

og látið þá útvega leigubílinn.

ég var þarna einu sinni á góðu hóteli, man bara ekki hvað það hét.

en ég fór líka á stað sem ég vissi ekkert um, og var rændur strax.

það er besta leiðin til að vera rændur þarna um slóðir að klæða sig og láta eins og túristi, með alla seðlana utan á sér í formi vörumerkja og dýrra myndavéla oþh, eða veifandi veskinu

eins er ágæt leið að láta ræna sig með því að taka leigubíl án þess að kynna sér verðið fyrirfram og semja fyrirfram, ungverjum finnst ekkert leiðinlegt að græða á heimskum útlendingum

þess vegna tek ég metro, enda er borgin mun betur skipulögð hvað varðar almenningssamgöngur en bílaumferð og maður er mun fljótari á milli staða þannig

Fáðu þér bara barnakerrur. Tek undir ummæli um neðajarðarkerfið og leigubílana. Þegar ég var þarna pantaði náunginn í móttökunni alltaf bílana fyrir okkur og samdi um verð fyrirfram og lagði ríka áherslu á að við borguðum ekki meira. Á bakaleiðinni vildu þeir alltaf tvöfalt meira. Við gengum þá bara á röðina þartil einhver var til í að keyra okkur fyrir sama verð.

Fariði varlega ef þið heimsækið Váci stræti.

Mæli með veitingastaðnum Múzeum við hliðina á ungverska þjóðminjasafninu (National Museum).

Algjört möst að heimsækja er Szoborgarðurinn, súrrealískt safn af styttum og minnismerkjum frá kommúnistatímanum.

Allir veitingastaðir sem ég fór á í Ungverjalandi voru frábærir. Semnæst alla rambði ég inn á fyrir tilviljun. Matur með víni fyrir tvö kostaði gjarnan um 500 IKR, með víni. Við Balaton vatnið var verðið enn lægra. Þar er líka strönd sem er þannig að maður labbar kílómetra út áður en vatnið nær manni í höku. Ég lét mér nægja að fara í sturtu. Hitinn í vatnunu er 22°C° á veturna. Vatnið er álíka gruggugt og Bláa lónið, nema grænt. Í því er fiskur sem er ætur. Algengustu beiturnar virtust grænar ljósdíóður með rafhlöðu. Talandi um að fara í bað, þá eru í Budapest gömul Tyrknesk baðhús, ég held um 500 ára gömul. Hinum sem voru hópnum, sem voru frá öðrum kaldari löndum, þótti mikið til koma, en ég nennti ekki af því að ég var svo ánægður með baðkarið og sturtuna mína heima á Íslandi.

balaton frýs á veturna og þar er veitt í gengum ís, verið á skautum ofl, enda vatnið grunnt, stórir flákar ná manni ekki nema í hné eða læri, þótt vatnið nái 11 km dýpi þar sem það er dýpst

ég mundi því ekki fara í bað þar á veturna (enda stundum erfitt að komast ofaní)