Það var ekki annað, vel af sér vikið. Þetta hlýtur að verða stór fjöður í hatt lögreglunnar.


Vísir, 14. jan. 2008 15:54

Sannað að kveikt var í brunabílum í Vogum

Lögreglan telur sannað að kveikt hafi verið í bílunum tíu í Vogum sem eru gjörónýtir. Lögreglan á Suðurnesjum telur það sannað að kveikt hafi verið í bílunum tíu sem brunnu í Vogum 8. desember síðastliðinn. Þetta staðfesti Jóhann R. Benediktsson lögreglustjóri í samtali við Vísi.

Vísir birti frétt af því fyrir helgi að ekki hefði tekist að sanna að um íkveikju hafi verið að ræða. Niðurstaða rannsóknar bandarískra sérfræðinga sem komu til landsins um áramótin er hinsvegar sú að um íkveikju hafi verið að ræða. Sú niðurstaða styður frumrannsókn lögreglunnar á Suðurnesjum um að kveikt var í bílunum. Þeir voru í eigu athafnamannsins Ragnars Ólafs Magnússonar.

"Við teljum að þessar rannsóknir staðfesti að kveikt var í bílunum. Það var mjög fagmannlega að verki staðið við íkveikjuna," segir Jóhann R. Benediktsson og bætir við að rannsókn miði vel.

Eldingum laust þá ekki níður í þá.
Nú er ég hissa.

Fyrst þú nefnir það þá er stór merkilegt að kallað sé eftir aðstoð bandarískra sérfræðinga til að rannska bruna á bílum - en þegar forsætisráðherra landsins brann inni fyrir nokkrum áratugum með eiginkonu sinni og barnabarni var öllu rutt í burtu daginn eftir og þremur dögum seinna birtist frétt í Mogganum um að rannsókn lögreglunnar á Selfossi væri lokið með þeirri niðurstöðu að eldsupptök væru ókunn - eins og þú hefur bent á hér á vefnum Ingimundur.

og í raun óskiljanlegt að ekki var kallað eftir slíkum sérfæðingum á bergþóshvoli forðum

....nei heyrið þið mig nú, eigum við ekki að fagna því að lögreglan vinni af fagmennsku, í stað þess að vera með dylgjur og dólgshátt og gera lítið úr störfum hennar þegar henni tekst að upplýsa glæp.

Lá það ekki í augum uppi að það var kveikt í bílunum?

Hvernig hefði getað kviknað í þeim öllum á annan hátt á svo til sama tíma?

Það lá nú ljóst fyrir að kveikt var í bílunum.
Og sá sem það gerði hefur sjálfsagt fengið vel greitt fyrir greiðann.

Kemur verulega á óvart

Ég held að það sé alveg öruggt að lögreglan hafi grunað það allan tíman. Þetta er spurning um að málið sé skothelt og því hefur þurft sérfræðinga til að hníta alla lausa enda í þessu máli. Finnst það frekar barnalegt að vera að skopast að lögreglunni í þessu máli þeir vita betur en við hvað þarf að gera.

Málið er HVERS VEGNA var kveikt í bílunum. Ef "fagmannlega var að verki staðið" bendir það til skipulagðrar glæpastarfsemi. Hlýtur að tengjast í eiganda bílanna og þá þarf að fá á hreint hvað er að ske. Var verið að hefna fyrir eitthvað? UM hvað snýst málið.

Það hefur ekki komið til greina að kvikni í fullt af bílum á sama tíma af eðlilegum orsökum.

Er það ekki augljóst?

Tryggingasvik!

Lögreglan fær stóran plús í kladdann fyrir professional vinnubrögð í þessu augljósa tryggingasvikamáli.

Þeir þurfa líka að fá að heyra það þegar vel er gert,
því nógu oft er drullað yfir hana.
[spoiler](En oft verðskuldað)[/spoiler]

Kveðja
Grasi

Já þeir hafa staðið sig vel í löggunni, þá er bara að bíða og sjá til hvenær íkveikjumafían situr fyrir þeim og lemur þá í klessu. Líkt og gert var við lögreglumennina á Laugaveginum á dögunum.

You tell me, honey. En af hverju gera það svona augljósa íkveikju?

auðvita er þetta íkveikja til tryggingasvika,70 millur sagði eigandinn strax, því blessaður kallinn(eigandinn) var komin á heljarþröm og lét bílana í hendur á einum mesta glæpon landsins sem kann vel að fara með kylfur sem einn stórtækasti handrukkari landsins, ég hefði ekki geymt hjólbörur þarna því þeim hefði verið stolið(réttara sagt afhent einhverjum upp í skuldir)

Er ekkert að frétta af þessum bílabruna? Verður enginn látinn svara til saka?

Það er búið að sanna að kveikt var í. Miklu mun erfiðara að sanna hver var að verki... og þar með mjög erfitt að sanna að eigandinn hafi átt hlut að máli, sem þýðir að hann gæti vel fengi bílana bætta þrátt fyrir sannaða íkveikju. Það er svo sem ekkert neitt að menn kveiki í frystihúsum, togurum, "klúbbum" og fleiri óarðbærum eignum. Nú hafa lúxusbílar bæst í hópinn.

Mikið rétt. En það er eitt að kveikja í einum bát, en að kveikja í tíu bílum í einu og halda fram bruna af náttúrulegum orsökum.

Allavega er einhver vitlaus í þessari lógík.

Ætlar þetta að verða endir málsins - ,,Það var kveikt í bílunum". Á ekki að negla sökudólginn?

Það er nú gallinn við réttarríkið að það þarf að sanna að sá, sem hagnast af brunanum, hafi staðið fyrir honum.
Gagni þeim vel að sanna það, lögreglunni.