Hvað er í gangi, er ekki kominn tími til að einhver sé látinn fara hjá Þjóðskránni einhver er að níðast á réttindum Guðmundar Bjarnasonar. Ég hreinlega skil þetta ekki. Og meðan ég man, eru fjölmiðlar ekki að bregðast, eiga þeir ekki að fylgja þessu eftir og láta þá sem bera ábirgð á þeim sem eru að níðast á Guðmundir svara.

Ég á ekki orð. Aumingja maðurinn er búinn að vera ekki til í marga mánuði. Maður sem er fæddur og uppalinn á Íslandi, kominn á fullorðins ár og svo bara þurrkaður út vegna þess að hann lagðist í ferðalög á efri árum. Þetta er að verða efni í flotta bíómynd. Ég ætla að fá að leika embættismanninn, velja fólk til að níðast á og einelta, svara ekki bréfum og hunsa allar stjórnsýslureglur og komast upp með það, verða einskonar einvaldur á minni litlu skrifstofu. Tími til kominn að reka einhvern eða þá bara keyra beint á hæli eða eitthvað.

Fréttablaðið í dag:

félagsmál Guðmundur Bjarnason hefur ekki enn fengið svar frá Þjóðskrá vegna endurskoðunar á þeirri ákvörðun að færa lögheimili hans til Kína.

Fréttablaðið sagði frá því í síðustu viku að Guðmundur fær ekki greiddar bætur og er ekki sjúkratryggður hér á landi. Hann hefur því verið tekjulaus frá því í febrúar, en fjórir mánuðir eru frá því Þjóðskrá var upphaflega beðin um að endurskoða ákvörðun sína.

Í samtali við vísi.is í síðustu viku sagði Skúli Guðmundsson, skrifstofustjóri Þjóðskrár, að Guðmundi yrði svarað fyrir 16. nóvember. Það svar hefur enn ekki borist. - þeb

Svarið við spurningu þinni: Geta íslenskir embættismenn þverbrotið á fólki er já.

Já.

Þetta er bara toppurinn á ísjakanum. Það er verið að rukka hann um milljónir í endurgreiðslu.

Því má við bæta að hann á ekki fyrir salti í grautinn (sem er reyndar enginn) og kerlingin hlaupinn frá honum.

Hann fær ekki aðstoð frá Félagsþjónustunni vegna þess að hann er skráður með lögheimili í Kína.

Hann fær ekki gjafsókn vegna þess að hann er skráður í Kína.

Hann fær ekki skilnað frá konunni vegna þess að hann er skráður í Kína.

Ef hann slasast þá greiðir hann samkvæmt reikningi. Fær bara bráðabirgðareddingu eins og sakir standa.
Því hann er skráður í Kína.

Málið er: af hverju? Málverjar sem og fjölmiðlar ættu að spyrja slíkra spurninga.

Ég skora á ykkur málverjar að kryfja þetta mál því stutt er í að það fækki um einn.

Það er eitt sem hefur kannski ekki komið nógu vel fram í þessu máli, sumir halda kannski að þessi Guðmundur hafi eitt mörgum árum í Kína og verið að blekkja kerfið, alls ekki rétt. Maðurinn flæktist til Kína vegna vinskapar og var þar einhvern tíma, alls ekki eins lengi og sumir halda og ég jafnvel misskilið.

Það er ekki hægt að þurrka einhvern út aðeins vegna þess að viðkomandi ílengist annars staðar einhvern tíma. Guðmundur kominn vel yfir miðjan aldur og eytt öllu sínum lífi á Íslandi. Ég á bara ekki orð yfir þessum níðingskap og mannréttindarbroti.

Ég tel að viðkomandi embættismenn eigi að vera ábirgir upp á sína eigin fyrir þá óhamingju sem þeir hafa valdið Guðmundi, hreinlega skaðabótaskyldir, ekki bara stofunin heldur þeir sjálfir. Þá kannski fyrst minnkaði þessi valdahroki.

IK, þú hefur nú verið góður í að finna upplýsingar á vefnum. Nú hljóta að vera til lög eða reglugerð sem þeir hjá þjóðskrá styðjast við í ákvörðun sinni á þessu svínaríi, geturðu ekki gert tilraun að finna þetta?
kv, hawk12

Þetta er sorglegasta mál með manninn, og vonandi að hann fái leiðréttingu mála sinna sem fyrst.
Það hefur verið skrifað áður um hans mál hér, og þá var meðal annars verið að ráðast að starfsfólki tryggingarstofnunar. Tryggingarstofnun verður að fara að lögum, og ef maðurinn er skráður með búsetu erlendis þá er þeim nauðugur einn kostur að krefja hann endurgreiðslu vegna ofgreiddra bóta.
Hér fyrir ofan er upptalning á ýmsum þeim vanda sem steðjar að Guðmundi vegna þess að hann hefur ekki verið skráður inn í landið aftur, en ég held að það væri samt verra ef opinberir starfsmenn færu að sveigja reglur vegna þess að þeir eru vissir um að maðurinn er beittur órétti. Ég er ekki að segja að það yrði í fyrsta skipti sem slík yrði gert, en best er að reglan sé að opinberir starfsmenn fari að lögum.
Það sem er aðkallandi er að leiðrétta skráningu þessa manns, og svo væri gott ef hægt væri að greiða götu hans við að sækja bætur til hins opinbera vegna þess miska sem hann hefur hlotið vegna þessa. En fyrr frýs líklega í helvíti en að hann blessaður fái skaðabætur, því miður.

Þakka þetta innlegg í mína baráttu.

Svona getur fólk verið úr sambandi við raunveruleikann.

'háski' er háskalega heimskur.

Vissulega finnst okkur öllum Error að illa sé farið með þig. En ég gat ekki lesið það sama úr innleggi háska og þú.
Mér finnst hann einmitt sýna þér stuðning, þó hann bendi á það á sama tíma að ekki sé hægt handahófskennt að fara eftir settum reglum. Reglurnar/lögin verði að virða.

Tek undir orð humans.
Error hefur lesið einum og og hratt yfir.

Kæra vinkona.
Það var margt gott í hans innleggi en það sem ég feitletraði var ekki að mímu skapi.
Ég vona að það séu einhverjir málefnalegir hér. Þetta á ekki að snúast um einhvern
tittlingaskít heldur grunnþarfir einstaklings í okkar samfélagi.

Verð að ljúka þessu áður en grátur brestur á.

Ég óska þér alls hins besta Error. Ég vona sannarlega að hjólin fari að snúast þér í hag.
Það er líka hárrétt hjá þér að það á að sjá til þess hér á landi að grunnþörfum allra séð fullnægt.
Fólki sé ekki hent í þá hræðilegu stöðu að þurfa að upplifa sig sem einhvern "betlara".
Fólk á ekki að vera rænt afkomumöguleikum og um leið allri sjálfsvirðingu.

Því vona ég sannarlega að þú þraukir og fáir bót á þeirri hræðilegu stöðu sem þú ert í.

Hér vil ég bæta við link á úrskurð Úrskurðarnefndar almannatrygginga.
Ykkar að lesa og dæma.
Ég er ekki hrifin af þessum dómi, hann dæmir sig sjálfur.

http://frost.fastmail.fm/Urskurdur156-2007.pdf

Kannski er ein ástæða þess að menn rekast alls staðar á veggi að þeir átta sig ekki á því hverjir eru að sýna þeim stuðning og ráðast með fúkyrðum gegn stuðningsmönnum sínum, sem við það missa lyst til áframhaldandi stuðnings.
Engu að síður vil ég endurtaka að ég vona að þú fáir sem fyrst leiðréttingu þinna mála og fullar fébætur.

Ég bið þig fyrirgefningar kæri 'háski'. Ég mislas innlegg þitt svona illa.

Mér leiðist mikið þegar ég geri svona glappaskot. Vonandi fer þeim að fækka.

Það er fyllilega skiljanlegt að menn sem hafa lent í þeim hremmingum sem þú hefur, séu í vörn. Réttlætið hefur ekki verið þér samferða um hríð, en vonandi fer að verða breyting þar á. Stattu sterkur.

Einu sem ég hef tekið eftir með sjálfan mig og get þess vegna reiknað með að aðrir bregðist eins við. Viss tregða við að sjá og skilja að verið sé að brjóta á öðrum og þess vegna áhugaleysi.

Maður vill ekki dragast inn í mál aðeins til þess að vera gerður að fífli. En flest okkar höfum sterka réttarkennd. Ef okkur skilst á endanum að verið sé að brjóta á einhverjum viljum við að hlutirnir séu leiðréttir og þeim refsað sem stóðu að óréttlætinu. Ef að valdið getur brotið á Error getur það níðst á okkur á morgun. Vandamál Errors og allra sem standa í baráttu við valdið, að hann veit ekki hvað við vitum og hvað hefur farið fram hjá okkur, þess vegna er leyndarmálið að kynna málið aftur og aftur og aftur, alltaf einn í viðbót sem hægt er að koma í skilning um að þetta er réttlætismál.

Ég er ekki bara að skrifa um mál Errors heldur öll mál þar sem skiptir máli að kynna fyirir almenningi hvað er í gangi. Helsta vopn valdsins er þekkingarleysið. Svo Error, endurtaktu og endurtaktu út á hvað málið gengur.