Ég trúi á sköpunarsögu Biblíunnar og því var það æði erfitt að þurfa á hlusta á þá einstefnu sem var kennd í líffræði í gamla daga. Þróunarkenningin var þar kennd sem staðreynd, eitthvað sem ekki var hægt að deila um.

Mér finnst það afskaplega miður að þessi háttur sé hafður á kennslu í líffræði. Önnur aðalkenningin um uppruna heimsins fær enga athygli í skólum landsins, sem verður til þess að börn hætta að trúa á sköpun, og þar með á Guð sjálfan.

Það er svo sem ekki við góðu að búast þegar sjálfur biskupinn yfir Íslandi, Karl Sigurbjörnsson, lýtur svo á málið að þróunarkenningin geti staðist í einhverjum atriðum, en jafnframt að sköpunarsaga Biblíunnar sé sönn. Þessi orð biskupsins finnst mér vera hræðileg, en þetta er raunar ekki eina skiptið sem sá maður er skíthræddur við það að taka afstöðu með því sem Biblían segir - en meira um það síðar.

Hvað finnst mönnum hérna um þessar pælingar, ætti ekki að kynna nemendur einnig sköpunarsögu Biblíunnar þegar rætt er um uppruna heimsins ??